კრუასანი პესტოთი, პროშუტო და ლეღვით

დღეს მოვამზადებთ უგემრიელეს სენდვიჩს ძალიან საინტეტესო გემოების შეხამებით. გამოვიყენებთ სახლშ გამომცხვარ კრუასანს ( რა თქმა უნდა, შეგიძლიათ მზაც გამოიყენოთ, თუმცა, სახლში გამომცხვარი სულ სხვაა).შიგთავსისთვის კი გამოვიყენებთ იტალიურ პროშუტოს, ფრანგულ თხის ყველს და ქართულ ლეღვს. შევაზავებთ ამ ყველაფერს ასევე სახლში დამზადებული რუკოლას პესტოთი.

დაგვჭირდება:

2 კრუასანი

4 ნაჭერი პროშუტო

2 ლეღვი

6 რგოლი თხის ყველი

პატარა კონა რუკოლა

მარილი

წიწაკების მიქსი

რუკოლას პესტო

კრუასანები გავჭრათ სიბრტყეზე და გადავუსვათ ცოტაოდენი პესტო, შემდეგ მოვაყაროთ ცოტაოდენი რუკოლას ფოთლები და დავალგოთ ზევიდან 3-3 ნაჭერი ყველი, 2-2 ნაჭერი პროშუტო, თხელ რგოლებად დაჭრილი ლეღვი, მოვაყაროთ ცოტა მარილი და წიწაკები. ეს გემოები საოცრად ეხამება ერთმანეთ და ჩვენი კრუასანის სენდვიჩი ყველაზე მომთხოვნი გურმანების გემოვნებასაც კი დააკმაყოფილებს.

გემრიელად მიირთვით!