ინდაურის ხორცის ქაბაბი

რამდენიმე დღეა გაუსაძლისი სიცხის გამო ხორცის კერძებს იგნორირებას ვუკეთებთ, ჰოდა დღეს ხორცისმჭამელებმა შემოგვჩივეს, ამიტომ, დღევანდელი ვახშამი მათ მივუძღვენით. თუმცა, შევეცადეთ მაინც საზაფხულო მსუბუქი კერძი შეგვერჩია. ვამზადებთ ინდაურის ან ქათმის ხორცის ქაბაბს. თუ აგარაკზე ისევენებთ, მაყალზე შეწვა არ გაგიჭრდებათ, ხოლო თუ არა, მაშინ ჩვეულებრივად, ტაფაზე მოამზადეთ ცოტაოდენ ცხიმში.

დაგვჭირდება:

500 გ ინდაურის ან ქათმის ფილე

1 ცუკინი

2-3 ღერი მწვანე ხახვი

1 პატარა წიწაკა

50 გ ნუში

3 ღერი ოხრახუში

3 ღერი პიტნა

დანის წვერზე -ბეგქონდარა

1 კვერცხი

მარილი

50 გ კარაქი

ხორცისგან მოვამზადოთ ფარში, დავუმატოთ გახეხილი ყაბახი, წვრილად დაჭრილი ან გატარებული მწვანილი, წიწაკა, ნუში და მარილი. დავუმატოთ ათქვეფილი კვერცხი, გამდნარი კარაქი.

სველი ხელებით გამოვძერწოთ პატარა ქაბაბები, დავალაგოთ თეფშზე და შევდოთ ერთი 40 წუთით მაცივარში.

ამის შემდეგ, ავასვათ ქაბაბები პატარა შამფურებზე და შევწვათ მაყალზე. თან ხშირ-ხშირად ვაბრუნოთ. ერთი 15 წუთში ჩვენი ქაბაბი მზად იქნება. ისევე, როგორც ტრადიციული ტყემალი და საწებელა, უხდება ძაძიკის სოუსი ან სალსა.

გემრიელად მიირთვით!