ახლოაღმოსავლური აპეტაიზერების დაფა

ცხელ ზაფხულში სტუმრებს თუ ელოდებით და მსუბუქად და ლამაზად გინდათ მათ გაუმასპინძლდეთ, ასეთ იდეას გთავაზობთ: მოამზადეთ აპეტაიზერების დაფა, მაცივაში შესაფერისი ღვინო შედეთ და საღამო მსუბუქი კერძების და ღვინის თანხლებით სასიამოვნო ადამიანებთან ურთიერთობას დაუთმეთ.

ჩვენი დღევანდელი აპეტაიზერების დაფა მაღრიბის ქვეყნების არომატებით და ფერებითაა სავსე. თან ისეთი ლამაზია, რომ ჩვენ სტუმრებს გასტრონომიულ დღესასწაულთან ერთად ესთეტური სიამოვნებაც ელით.

დაგვჭრდება(დაახლოებით 6 კაცზე):

20 ცალი ფალაფელი

15 ცალი ბადრიჯანი დარიჩინის და ნიგვზის საკმაზით

300 გ ჰუმუსი

300 გ ბაბაგანუში

300 გ ტკბილი წიწაკის ჰუმუსი

300 გ ლობიოს ჰუმუსი

300 გ ძაძიკი

250-300 გ ზეთისხილის აპეტაიზერი

500 გ შემწვარი შამპინიონი ქინძით

2-3 უმად დაჭრილი სტაფილო და კიტრი

პიტა-პურები

ბროწეული

მარილი

წიწაკა

ნივრით შეზავებული ზეითუნის ზეთი

ეს არაჩვეულებრივი აპეტაიზერები, სოუსები და დიფები ჩვენ უკვე მოვამზადეთ. ისღა დაგვრჩენია, გავანაწილოთ შესაფერის ჭურჭელში (უმჯობესია, თეფშებს და ფიალებს აღმოსავლური დეკორი თუ ექნება) და გავაფორმოთ ბროწეულით.

გემრიელად მიირთვით!